INSTITUTE FOR PROFESSIONAL EXCELLENCE TA OFRESE OPORTUNIDAT NA 50 DESEMPLEADO PA KUMINSA KURSO DI HYDROPONIC I & II

 

INSTITUTE FOR PROFESSIONAL EXCELLENCE TA OFRESE OPORTUNIDAT NA 50 DESEMPLEADO PA KUMINSA KURSO DI HYDROPONIC I & II

Willemstad 3 di ougùstùs 2020 – Institute for Professional Excellence (IPE) ta ofresé 50 persona desempleá e oportunidat pa sigui kurso di Hydroponic I & II. IPE, durante di e último lunanan a habri oportunidat pa tur hende ku tabata deseá pa siña dominá e agrikultura modèrno e posibilidat pa sigui un kurso tantu teorétiko komo práktiko di Hydroponic I & II.  Un gran kantidat di studiante ya a kaba e kurso ku éksito i aktualmente ta siguiendo e parti práktiko.  IPE awor ke duna oportunidat spesífiko na 50 persona, ku ta desempleá, pa sigui e mesun kurso aki.  Si bo ta desempleá i ta deseá di inskribí, bo por hasi esaki dor di subi riba IPE.cw i yena e formulario.  Inskripshon ta posibel te ku djarason 5 di ougùstùs próksimo.

E kurso ta riba dos nivel.  Lo bo siña en esensia kon konstruí bo sistema di plantashon hidropóniko i manehá komersialisashon di bo produktonan na un manera efektivo. E kurso ta duná pa ekspertonan di Faculty of Food and Agriculture di University of the West Indies (UWI.)   E parti teorétiko di e kurso ta keda duná di un forma virtual.   E instrukshon ta na Ingles.  Bo ta risibí un sertifikado di e prestigioso universidat regional UWI unabes bo finalisá e preparashon ku éksito.

Durante kuater siman lo bo sigui seshonnan intensivo kada dia den siman. Lo hasi uso di aplikashonnan online pa e kursistanan por sigui e lekturanan.  Unabes finalisá e parti teorétiko lo sigui ku e parti práktiko.  Kursistanan ku finalisá e preparashon ku éksito lo risibí un sertifikado rekonosé i ku chèns di haña guia empresarial, finansiamentu atraktívo i lokalidat pa desaroyá nan empresa.

Riba IPE.cw ta yena e formulario di registrashon indikando ku tin interes pa agrikultura.  

Un kombersashon di evaluashon ta parti di e proseso di selekshon.

 

Pa mas informashon por manda un e-mail na info@ipe.cw.

This site uses Akismet to reduce spam. Learn how your comment data is processed.

error: Content is protected !!
%d bloggers like this: