Vidio viral kaminda ta mira kon un dama ansiano ta kai.  

 

Vidio viral kaminda ta mira kon un dama ansiano ta kai.  

Willemstad – Minister di Salú, Medio Ambiente i Naturalesa a tuma nota di un vidio ku ta bayendo viral riba medianan soshal kaminda por mira kon un dama ansiano ta kai. 

E vidio ta mustra tambe ku tin mas ku 1 persona huntu ku e dama i nan no a hasi ningun intento mesora pa yuda e dama ansiano aki lanta bèk.

 

Tin tur indikashon ku esaki a tuma lugá na un kas di kuido di hende grandi.

 

Minister a enkargá mesora e Ministerio di Salú, Medio Ambiente i Naturalesa su departamento ehekutivo ku ta Departamentu di Salú Públiko (G&GZ ántes GGD) pa inisiá un investigashon profundo pa determiná e kousa di e kaida aki i tambe e trato ku a keda ousente despues di e kaida.

 

Ora e investigashon konkluí lo tuma e pasonan nesesario korespondiente na resultado di e investigashon aki.