Gobièrnu ta laga RdK\PMO sigui operá den forma di zikinza zikinza 

 

Gobièrnu ta laga RdK\PMO sigui operá den forma di zikinza zikinza 

Despues di a tuma nota den prensa ku RdK (Refineria di Kòrsou) ta hasi menshon ku nan a finalisá e proseso ku KLESCH mes ora Sr. Calmes a dirigí un karta ku preguntanan pa Promé Minister. 

For di informashon kompilá Sr. Calmes a tuma nota ku atrobe e mes un PMO frakasá a kuminsá ku ripitishon dje proyekto pa buska un operadór nobo. PMO a asta saka un “teaser letter” pa posibel interesadonan apliká. Hasiendo un proseso similar na Aruba, tur informashon i kriterio a wòrdu hasi publiko pa garantisá transparensia. Atrobe Gobièrnu ta permití RdK\PMO di tene tur kos tras di kortina. P’esei mes Sr. Calmes ta pidi aklarashon si kompanianan di origen di paisnan ku no tin krudo direkto tambe por partisipá? Ta konosi ku tin kompanianan ku tin kapital, flota, kumpradó etc etc miéntras e pais kaminda nan ta origen di dje mes no tin krudo den su suela òf tin skarsedat. Sr. Calmes kier sa si ta bai ekskluí e posibel kompanianan aki.

Den e debakel ku subimentu astronómiko di preisnan di gasolin i gas aparentemente CurOil a disidí di bai purba fia sen pa traha planta di gas (LPG) miéntras CRU tin esaki kaba. Sr. Calmes ta pidi un aklarashon i transparensia di Promé Minister riba e asuntu kontradiktorio aki. Alabes Sr. Calmes a pidi klaridat ku si ta berdat ku CurOil ta bai traha su planta di gas pa asina CRU kita òf deskontinuá e kontraktnan aktual ke trahadónan ku ta finalisá dezèmber próksimo.

Pa korona obra den e konfushon aki te propio direktor interino di RdK\PMO mes a sali papia dje plan di CurOil i bisando ku e di dos parti dje proyekto pa un operadór nobo pa refineria lo no ta kla pa dezèmber 2020. E direktor interino a asta menshoná ku e proyekto di Bullenbaai a frakasá mirando ku ainda no a logra firma ku un interesado. Calmes:”Ta hèful nos a perde?”. Ta bisto atrobe ke aserkamentu di zikinza aki ta kreando desórden, ta kibra e sektor di petroli i no ta na interes di Kòrsou.

This site uses Akismet to reduce spam. Learn how your comment data is processed.

error: Content is protected !!
%d bloggers like this: