Kòrsou a risibí bek yabi di su refineria, inkluso su infrastruktura i terenonan? 

 

 

Kòrsou a risibí bek yabi di su refineria, inkluso su infrastruktura i terenonan? 

Parlamentario Calmes despues di a tuma nota den prensa ku RdK (Refineria di Kòrsou) ta hasi menshon ku resientemente nan a finalisá e proseso di negosiashon ku KLESCH a dirigí mes ora un karta pa Promé Minister. 

E resultado debastador ku RdK/PMO a trese via e proyekto KLESCH no ta un sorpresa. E miles di hendenan ku a keda sin trabou òf un pan nunka mas lo por kita e sikatris ku e resultado dje proyekto kondusí pa RdK\PMO aki a laga pa bida atras serka nan. Sinembargo hopi ainda ta karga e speransa den nan kurason di mira e lus di nos refineria sende un dia bek.

P’esei hasiendo uso di su derecho pa hasi pregunta, Sr. Calmes, a manda puntra Promé Minister ku Kòrsou a risibí bek yabi di su refineria, inkluso su infrastruktura i terenonan. Esaki ta importante pasobra nunka a duna transparensia riba kiko tabata e kontenido dje kontraktnan ya firma. Si terenonan i infrastruktura ta den man di KLESCH ainda lo por bira debastator pa kualke plan pa skapa nos refineria i kupo di trabounan.

Despues di a manda kas e grupo grandi di “operators” i “support operators”  un otro grupo di trahadónan (“maintenance”) a wòrdu aloka temporalmente na CRU. Sr. Calmes ke aklarashon di Prome Minister ku ta berdat ku tin un grupo ku a mantené nan salario normal miéntras e otro grupo si mester a entrega 50%.E akto aki ta zona e konosido dividí i reina ku a bini ta práktika pa poko poko kore ke trahadónan i bende e infrastruktura komo heru bieu.

Komo esun ku ta responsabel pa RdK\CRU tambe Sr. Calmes kier informashon di Promé Minister kiko ta status dje pago ku eks trahadónan (di Refineria Isla) tin ku risibí ainda dje montantenan wanta riba kuenta di banko di PDVSA na Girobank. Minister di Finansa a papia breve riba e asunto aki sinembargo e trahadónan no a tende nada konvinsente di Promé Minister mes.