Prinses Margriet school ta habri aña eskolar den un bachi kolorido nobo 

Prinses Margriet school ta habri aña eskolar den un bachi kolorido nobo 

WILLEMSTAD – Algun alumno awe mainta a yega Prinses Margriet School hopi tempran. Grato tabata nan sorpresa pa mira ku a fèrf nan skol ku kolónan yamativo. Loke a hala nan atenshon mas tabata un arte di pintura ku e artista Jhomar Loaiza a krea riba un muraya na nan skol. “Ta nos intenshon pa laga hasi mas di tipo di arte asina na Prinses Margriet School,” bosero di e skol ta informá. “Nos ke pa e alumnonan, pero tambe mayornan i e bario di Buena Vista i besindario den su totalidat sinti nan mes orguyoso di e skol. Nos ta deseá di realisá un seri di a arte. Ku esei e skol ta bira un sentro di atrakshon kaminda, riba sita, por saka potrèt,” e orguyoso dosente a sigui bisa. “Nos tin mas plan pa realisá pero na su debido tempu lo informá di esakinan.”