Pronóstiko di tempu pa Kòrsou i bisindario bálido te djasabra mainta 6:00 o.l., 5 di sèptèmber 2020.
Pronóstiko
Pronóstiko di tempu pa Kòrsou i bisindario bálido te djasabra mainta 6:00 o.l., 5 di sèptèmber 2020.
Kompilá: djabièrnè 4 di sèptèmber 2020, 05:00 o.l. (09:00 UTC).
Tempu: Shelu ta por lo general parsialmente nublá ku chèns pa un tiki áwaseru durante awe mainta. Restu di dia i mayan djasabra wer lo ta seku.
Temperatura máksimo lo alkansá 32ºC i temperatura mínimo 27ºC.
Solo ta sali 06:25 i ta baha 18:44 o.l.
Bientu: Entre direkshon ost i sùitost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga posiblemente te fuerte; forsa 6 (40 te 50 km/ora, 22 te 27 nudo).
Situashon general: E disturbio ku a afektá nos wer e último dianan, awe ta alehá di e sekshon ost di Karibe i permití asina ekstenshon di un preshon haltu establesé su mes den e region. No opstante esaki, ainda áreanan di humedat den e fluho di bientu por yuda ku desaroyo di algun áwaseru breve den awe mainta. Despues di esaki ta antisipá ku un wer seku lo prevalesé pa e di dos parti di awe i tambe durante di e fin di siman. Mas ainda, gradualmente e fluho di bientu kustumbrá, moderá te basta fuerte lo regresá den nos área.
Kondishon di laman: Por lo general moderá ku altura di olanan entre 0.5 i 1.5 meter (2 te 5 pia). E olanan di mas haltu lo ta riba laman habri na nort.
Sistemanan signifikante di wer tropikal: Siklon Tropikal Nana ta disparsé serka di e frontera entre Guatemala i México, miéntras Sentro Nashonal di Orkan a emití e último boletin tokante e siklon. Depreshon Tropikal Omar ta kontinuá den Atlántiko nort i ta antisipá ku esaki lo suak mas ainda i pronto bira un área ku preshon abou. Ningun di e dos sistemanan aki ta un menasa pa Kòrsou.
Fenómeno spesial: Ningun.
Perspektiva te djadumingu mainta: Ménos kantidat di nubia i un wer seku lo prevalesé durante e siguiente dianan.
Meteorólogo: Coffie
| Day: | Djabièrnè | Djasabra | Djadumingu | Djaluna | Djamars |
 áwaseru aislá |
áwaseru aislá |
 tiki nubia |
 parsialmente nublá |
 hopi nublá |
|
| Rain probability: | 40% | 20% | 0% | 0% | 0% |
| High: | 32ºC / 90ºF | 32ºC / 90ºF | 33ºC / 91ºF | 33ºC / 91ºF | 32ºC / 90ºF |
| Low: | 26ºC / 79ºF | 27ºC / 81ºF | 27ºC / 81ºF | 27ºC / 81ºF | 27ºC / 81ºF |
| Sunrise time: | 06:25 | 06:25 | 06:25 | 06:25 | 06:25 |
| Sunset time: | 18:44 | 18:43 | 18:42 | 18:42 | 18:41 |
| Wave heigth (meters): | 1 – 1.5 | 1 – 1.5 | 1 – 1.5 | 1 – 1.5 | 1 – 1.5 |