UN TOTAL DI 20 PERSONA A INSKRIBÍ I PARTISIPÁ NA E PROMÉ KURSO DI ARBITRAHE DI E AÑA AKI KU A INISIÁ 4 SÈPTÈMBER ÚLTIMO!

UN TOTAL DI 20 PERSONA A INSKRIBÍ I PARTISIPÁ NA E PROMÉ KURSO DI ARBITRAHE DI E AÑA AKI KU A INISIÁ 4 SÈPTÈMBER ÚLTIMO!

 

 

Djabièrnè 4 di sèptèmber último, Departamentu di arbitrahe di FFK ta tin e komienso di e promé kurso di arbitrahe pa e aña aki. Meta di e kurso aki ta pa engrandesé nos kuerpo di arbitrahe i optené mas hende muhé i hòmber di 18 aña òf mas, pa dirigí entre otro weganan di kampionato hubenil, kampionato di dama i tambe partidonan di Liga MCB Terser Divishon.

 

E kurso ta tuma lugá na FFK riba diferente fecha i orario i e lo finalisá djasabra 19 sèptèmber 2020 ku un èksamen di 10’or pa 12’or mèrdia. Ora kompletá e kurso ku éksito lo tin un periodo di ‘stage’ di 6 luna promé ku risibí e diploma.

 

Un total di 20 persona a inskribí i partisipá na e promé 2 fechanan di e kurso aki. Departamentu di arbitrahe di FFK ta sumamente kontentu ku e kantidat di personanan interesá den engrandesé nos kuerpo di arbitrahe.

 

Mas ku klaro FFK ta deseá tur e kursistanan aki tur klase di éksito i ta spera di por konta ku nan aporte na e deporte rei, futbòl.

 

6 sèptèmber 2020

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: