Bishitantenan di ofisinanan di Ministerio di Gobernashon, Planifikashon i Servisio Públiko mester usa tapaboka

 

Bishitantenan di ofisinanan di Ministerio di Gobernashon, Planifikashon i Servisio Públiko mester usa tapaboka

Geplaatst op 09 September 2020 dor di Ministerio Maneho di Gobernashon, Planifikashon i Servisio Públiko

WILLEMSTAD  – Entrante 9 di sèptèmber 2020, tur persona ku ta akudí pa servisio na Vergunningenloket (Lokèt di Pèrmit), Kranshi, Reibeweis, Shared Services Organisatie (SSO) i Human Resources & Organisation (HRO), mester hasi uso di un tapaboka. Kada ken mester perkurá pa su propio tapaboka. E medida aki ta nesesario pa protekshon di tantu kliente komo personal

Ta rekordá un-i-tur pa apliká distansiamentu sosial, pa hasi uso di ‘handsanitizer’ na porta i pa evitá sosialisá den sala di espera. Tambe ta enkurashá tur persona pa mas tantu ku ta posibel evitá akudí na ofisina i pa hasi uso di e siguiente adrèsnan di e-mail:

  • Petishon pa VOG (papel di bon kondukta): vog.vl@gobiernu.cw;
  • Petishon pa LOB: lob.vl@gobiernu.cw;
  • Pidi sita (p.e. kùr vehíkulo, reibeweis, pasaporte, Sédula òf Domeinbeheer): sita@gobiernu.cw;
  • Pa tur otro sita relashoná ku servisionan na Kranshi: info.bsbv@gobiernu.cw;
  • Petishon pa pèrmit: intake.vergunningenloket@gobiernu.cw;
  • Pa informá státus di petishon: afgifte.vergunningenloket@gobiernu.cw;

Por traha sita pa p.e. reibeweis, pasaporte, sédula òf Domeinbeheer via di wèpsait di gobièrnu (sita.gobiernu.cw).

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: