KAMINATA 60 PLUS ROBERT (BOY) ANDREA

 

KAMINATA 60 PLUS ROBERT (BOY) ANDREA

 

Willemstad, 2 di òktober 2020

 

E aña aki no tin KAMINATA 60+, kual ta un regalo di FUN WALK na tur nos grandinan en konekshon ku dia Internashonal di Grandinan.

Esaki ta un fecha instituí pa nashonnan Uni kual ta promé di òktober.

 

Pa 11 aña e kaminata aki ta tuma lugá riba e promé djadumingu di òktober.

 

E motibunan ta konosí. 

E fondo pa e kaminata ta sali for di e entrada di e kaminata grandi ku Asosashon FUN WALK ta organisá den luna di aprel. Pero debí na e Corona Vírus òf Covid 19 no por a organisá esaki. Kual ta un lástima. Ta pa nos protekshon.

 

Tin medidanan ku nos mester tene nos mes na dje. Entre otro aglomerashon di hende, tene distansia sosial ets. I tambe mester protehá personanan di edat, kual ta e grupo ku e kaminata aki ta organisá p’e.

 

Laga nos spera ku e kaminata di luna di aprel 2021 lo tuma lugá pa asina por generá e fondonan pa e kaminata 60+ di e aña ei lo por keda realisá.

I nos logra di dominá e Corona vírus òf Covid-19.

I e otro añanan ku lo sigui.

 

FUN WALK ta supliká tur persona riba 60 pa sigui kuida i tene kuenta ku e medidanan di protekshon nan ta konosí.

 

Na nòmber di direktiva di Asosashon Fun Walk