Proseso di elekshon vs reglanan vigente relashoná ku Covid-19

 

Kòrsou, 12 di novèmber 2020 

 

Konseho Supremo Elektoral

Roodeweg

PRESENTE

 

n.a.d. señor Ph. Römer

 

Tópiko: Proseso di elekshon vs reglanan vigente relashoná ku Covid-19

 

Distinguido señor Römer,

 

Manera ta konosí mundu ta eksperensiando e Pandemia di COVID-19 i te ainda no ta konosí pa ki tempu lo tin un solushon definitivo pa kombatí e Pandemia aki. Esaki ta motibu pa kual  direktiva di MFK kier sa si ya Konseho Supremo Elektoral a pensa riba posibel alternativanan i adaptashon pa e proseso tradishonal di votashon.

 

Mester tene kuenta ku distansiamentu sosial i otro reglanan relashoná ku COVID-19 riba e dianan di votashon. Lo no por tin aglomerashon, pero tampoko no por krea tardansa den e proseso di votashon, pa esaki no kousa molèster pa e votador i perhudiká partidonan polítiko ku ta partisipá den e kontienda elektoral.

 

Ta importante pa komo partido MFK ta na altura di posibel kambio(nan) i òf adaptashon,  di manera ku por prepará pa informá i konsientisá e pueblo votadó riba esakinan. 

 

Pendiente di un kontesta mas pronto posibel i satisfaktorio riba e tópiko aki, nos ta despedí.

 

Atentamente

 

Sithree A. van Heydoorn Javier Silvania

Presidente Sekretario

This site uses Akismet to reduce spam. Learn how your comment data is processed.

error: Content is protected !!
%d bloggers like this: