Programa “Kambio ta un eskoho”
Programa “Kambio ta un eskoho”
Willemstad – “Kambio ta un eskoho” ta un seri di sinku programa di konsientisashon i formashon pa hóben i adulto.
Entrante djasabra 5 di desèmber e programa aki lo pasa 5 djasabra konsekutivo di 10or pa 12or di mainta riba e plataforma di Bonce TV .
Pará dilanti un otro kambio di aña ta normal ku hende ta deseá sierto kambio den nan bida personal. Lamentablemente e deseo pa kambio ta keda na deseo pasó hende tin difikultat pa hasi eskoho.
Pa medio di e seri di programanan aki nos ta duna bu tur e informashonnan nesesario pa bo por hasi e eskoho korekto i optené e kambio ku bo ta deseá den e área di bida ku bo ta enfoká riba dje.
E temanan ku lo wòrdu trata den e seri di programa aki ta:
- Importansia di kambio mental
- Miedu: e enemigu di kambio
- Kon manehá bo entrada finansiero
- Skohe pa felisidat
- Kon pa ta eksitoso den 2021
“Kambio ta un eskoho” un seri di 5 programa sumamente interesante ta wòrdu produsí i presentá pa Renate “Neetje” Joe.
Pèrkurá pa bo no pèrdè ningun edishon.
Pa yega na Bonce TV bo por download e app di Bonce TV riba bo telefòn i/òf tablet, tambe bo por sigui nos riba e página di facebook Bonce TV i òf via di basilachill.
“Kambio ta un eskoho” bo no por pèrdè.
Riba e potrèt por mira produktor i presentadó di “Kambio ta un eskoho”.