Nesesidat di pueblo mester keda sentralisá den bario 

 

Nesesidat di pueblo mester keda sentralisá den bario 

 

Willemstad, 28 desèmber 2020 – Despues di a lansa e movementu nobo VISHON, pueblo di Kòrsou a sera konosí ku diferente Vishonario. Awor, promé ku fin di aña ta sali un otro Vishonario, Ishahier Monte, pa hopi konosi ku ‘Icho’. 

 

Komo kantante Icho tabata aktivo den e mundo farandulero. Banda di esei Icho ta konosí pa e trabounan sosial ku e ta hasi boluntariamente den nos barionan. Esaki el a ta bin ta hasi pa mas ku 8 aña kaba, via su proyektonan di yudansa i formashon. Icho a bin ta hasi e trabounan den bario pasó na su opinion no ta dunando sufisiente sosten na nos hendenan den bario. Den e lastu dékada nos sentronan di bario a bai atras, trahadónan sosial no ta fisibel mas den bario i banda di esei lidernan di bario no ta organisá manera antes. E konsekuensia ta ku e siudadano den bario ta para su so, i tin ku wak pa su mes kon ta lucha. E krísis di COVID-19 a mustra bon kla kon grandi nos pais so problema sosialnan ta na bèrdat. 

 

“Mi aspirashon pa drenta polítika a lanta na momentu ku mi mes a mira kon grandi e problema di pobresa ta den nos pais. Mirando kiko tur loke ta tumando lugá riba nos dushi isla, mi a tuma e desishon di representa mi pais, mi bario, i ta un sirbidó pa pueblo kompletu“ asina Icho ta motivá su partisipashon den arena polítiko. 

Icho a uní su mes na VISHON pasó e moveshon, meskos kuné, ta diferente i kier kita for di polítika tradishonal. “Nos mester di gobernantenan ku ta determiná pa tuma desishonnan ku ta na fabor i bienestar di nos pais. Si nos ke drecha situashon sosial den nos bario gobièrnu tin ku kambia nos prioridatnan komo pais i realmente kuminsá invertí den nos bario bèk. I ku invershon den formashon di nos hende den bario nos por krea oportunidat pa nan krese i sali for di e situashon difísil ku hopi di nos hende ta aden. Mi kier vigilá ku gobièrnunan di futuro ta pone prioridat kaminda ta nesesario“, asina Icho a deklará. 

 

For di awor Icho lo sostené e lider polítiko, Miles Mercera, i forma parti di su tim di Vishonarionan ku ta hiba e mensahe di VISHON.  Huntu nan lo lucha pa kambia nos presente, pa un mihó futuro pa un i tur na Kòrsou. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: