“Trabou Pa Kòrsou NÒ ta kere den stroba elekshon liber”

“Trabou Pa Kòrsou NÒ ta kere den stroba elekshon liber”

Parlamentario independiente pa Partido TPK, Rennox Calmes, ta duna di konosé ku e ta hopi desapuntá den e Presidente di Parlamento, sra. Pauletta (PAR), ku ta trata na stroba elekshon liber tuma lugá.

Esaki debí ku despues ku no opstante un dekreto pa ku orarionan stipulá pa ku entregamentu di lista, ku a ser deliberá ku KSE, ku por sierto tur partido a kumpli ku n’e, sra. Presidente ta purba di tacha demokrasia dor di tòg stroba elekshon liber pa tuma lugá.

Ta algu insólito ku Presidente di e órgano di mas haltu den nos pais ta deseá pa hasi esaki komo ku elekshon ta parti di nos demokrasia. Despues ku Tula a hiba un lucha pa libertat, despues ku dr. Da Costa Gomez a lucha pa statuto i damanan Yu di Kòrsou a lucha pa hende muhé por vota, esaki ta un bòftá den kara di pueblo. 

I tambe ta un bòftá pa hende (demos) i gobernashon (kratos). Sr. Calmes ta referí akinan na nasementu di demokrasia ku a ser inisiá hopi siglo pasá na Grecia, kaminda un pueblo ta disidí a base di su votonan ken ta goberná su pais. “Esaki yama demokrasia”, sigun Calmes.