Den un anochi espektakular HOW Radio 90.9 FM. a presentá e promé edishon di “HOW RADIO CHRISTIAN MUSIC AWARDS”

Den un anochi espektakular
HOW Radio 90.9 FM. a presentá e promé edishon di
“HOW RADIO CHRISTIAN MUSIC AWARDS”
Willemstad- Djadumingu último HOW Radio 90.9 FM. tabatin e promé edishon di “HOW Radio
Christian Music Awards” ku a tuma lugá di forma virtual. Meta di e evento aki ta pa honra i duna
rekonosementu na nos artistanan lokal, ku ta residensiá na tur parti di mundu, pa e trabou ekselente
ku nan ta desplegá den e área di músika Kristian.
Pa medio di voto di oyentenan di HOW Radio 90.9 FM. i henter e pueblo di Kòrsou e artistanan
lokal a risibí rekonosementu den 13 diferente kategoria, entre otro, “Worship Song of the Year”,
“Krioyo Song of the Year”, “Quarantine Music Video of the Year”, “Band of the Year”, “Male &
Female Artist of the Year” i mas. Riba e anochi aki tur e nominadonan a risibí un award i e
nominado ku a risibí mas voto, a haña un award spesial den e kategoria ku el a keda nominá.
E anochi aki a konta tambe ku presentashonnan espektakular di nos artistanan lokal Kristian
manera Shamiro Anita, Shelomi Doran-Bakhuis huntu ku Suzzy Koko, Sound of Heaven i GO
Movement, Proskuneo, Reuben van Lierop, Andy Moes i tambe Nahliel direktamente for di Aruba.
Loke sigur a resaltá e anochi aki tabata e hermandat entre e artistanan ku tabata apoyá, selebrá i
enkurashá otro pa sigui ku e bon trabou pa Señor den e area musikal. Tur e nominadonan a destaká
ku nan produkshonnan popular riba nivel haltu i nan kansionnan tabata den esnan mas pidí na
HOW radio 90.9 FM.
Di e forma aki HOW Radio 90.9 FM. ke kontribuí na stimulá nos músikonan lokal pa sigui krea
produkshonnan di nivel haltu pa guia e pueblo den alabansa i adorashon i kompartí e mensahe di
speransa ku henter nos komunidat. ●

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: