Parlamentario Calmes: “Te awe nada di e 33 mion di Insel Air!”

 

Parlamentario Calmes: “Te awe nada di e 33 mion di Insel Air!”

Asina pueblo su sèn a bai?

 

“Nos a tuma nota ku e avionnan ku Insel Air a ‘lease’ a wòrdu bendí.

Insel Air-‘boedel’ mes te awe no a tende nada mas di dje. Asina pueblo su sèn a bai? “, Calmes ta puntra.

 

Sr. Calmes ta korda kon Gobièrnu a bisa ku den kuadro di konektividat, pues pa Insel Air por a sigui operá, mester a pone sen disponibel for di diferente ministerio. “Ku por sierto ta pueblo su sèn”, sr. Calmes ta bisa. “Te ku awe pueblo no a mira un depchi bini bèk”.

 

Durante tratamentu di presupuesto pa aña 2021 sr Calmes a proponé pa den e promé suppletoir kita 1% for di presupuesto di tur ministerio pa pone pa enseñansa, pero lamentablemente e koalishon aktual no a sostené ni kompronde esaki.

 

Na desèmber 2017 ora tabata trata presupuesto pa aña 2018, tambe sr. Calmes a hasi mes un proposishon pero na 5%. Esaki tampoko a haña sostén serka e koalishon aktual.

 

“Esaki ta otro muestra ku ora mester saka sèn pa pueblo, semper tin mil i un motibu dikon nò por. Pero ora ta trata di ‘friends & family’, un motibu mes ta sufisiente pa hustifiká dikon si por’, sr. Calmes ta enfatisá.