Area Deportivo Profeshonal pa Barber
Area Deportivo Profeshonal pa Barber
WILLEMSTAD – Deporte i edukashon fisíko ta kontribuí na formashon mental i spiritual di nos komunidat i alabes e ta un prioridat di programa di gobernashon 2017-2021. E maneho di Gobièrnu ta pa stimulá desaroyo deportivo i drecha nos fasilidatnan deportivo. Den e kuadro aki Minister enkarga ku deporte sr. Steven Croes ta pone enfasis riba e área di deporte.
Minister Croes a bishitá e vèlt di Barber i a tuma nota di e inisio di e aktividatnan ku ta bai kuminsá pa ku e lusnan. Awor ku e sentro multi-funkshonal di Barber ta kla i e vèlt di yerba artifisial a keda kla ta e intenshon pa e lusnan keda drechá. E trayekto aki ta tuma luga bou di e Kontratista i Sentro di Detenshon i Korekshon Kòrsou. E kontratista ta bai traha den estrecho koperashon ku detenidonan na e instalashon di e lusnan na e vèlt di Barber.
Ku esaki Gobièrnu ta mustra riba e hecho e vèlt di Barber ta bira e promé den e área di Banda Bou ku ta haña un área deportivo profeshonal (sala multi-funkshonal i vèlt profeshonal) kaminda deporte por keda pratiká.
**riba e fotonan athunto por tuma nota di e bishita di Minister sr. S. Croes, Direktor di SDKK sr. U. Floran i e kontratista ku ta traha riba e vèlt.