Norman Moron a entregá minister Croes su buki titulá: “De Zingende Groenteboer”
Norman Moron a entregá minister Croes su buki titulá: “De Zingende Groenteboer”
Willemstad,- Djarason 17 di mart Minister di Enseñansa Siensia Kultura i Deporte, Sr. Steven Croes a bishitá e konosido músiko Norman Moron pa risibí e prome edishon di su buki titulá “De Zingende Groenteboer” .
Den yanüari Minister Croes tabata di bishita serka Norman Moron. Durante e bishita Norman a konta Minister Croes di su buki ku e ta skibiendo, un buki ku ta un kompilashon historial di komposishonnan un e músiko renombrá Sr. Rudy Plaate. I djarason último Norman a presentá Minister Croes e promé edishon.
Un buki ku no tin solamente e notanan musikal, pero tambe e letra di e kantikanan i varios pòtrèt historiko.
Ta un honor grandi pa minister risibí e prome edishon di e buki, e ta sigur ku esaki lo bai wordu huza hopi pa generashonnan benidero.