Kuerpo Polisial a tuma nota di diferente grupo di ‘whatsapp’ ku a keda trahá dor di siudadanonan pa mèldu otro na momentu ku nan tuma nota ku tin ‘roadblock’ i kontrolnan den kuadro di Covid-19 tumando lugá.

 

KOMUNIKADO DI PRENSA 144 / 2021
13 aprel 2021
Polis ke yuda baha infekshon dor di kontrolnan den kuadro di Covid-19.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kuerpo Polisial a tuma nota di diferente grupo di ‘whatsapp’ ku a keda trahá dor di
siudadanonan pa mèldu otro na momentu ku nan tuma nota ku tin ‘roadblock’ i kontrolnan
den kuadro di Covid-19 tumando lugá.
Esaki ku tur probabilidat pa hustamente avisá esnan ku di un forma ilegal ta riba kaya, sea
moviendo riba dia ku no ta turno pa nan plachi di number òf no ta okupando nan mes ku
algu di urgensia òf importante.
Ta bon pa remarká ku aparte ku serka e personanan aki e konsiensia no tei pa realisá ku e
aktitut aki no ta kontribuí na aportá na redukshon di infekshonnan, no ta e intenshon
primordial ni deseo di polis pa atendé represivo kontra siudadanonan.
Lástimamente esei mester ta e kaso si, pa motibu ku no opstante e kantidat di kasonan di
infekshon, hopi di nos kompatriotanan interná i asta personanan ku ya a fayesé, tin
personanan den nos komunidat ku no ta realisá e seriedat i gravedat di e situashon.
I ta skohe pa sigui den inkumplimentu ku regla, burla di kontrol i pone bida di otronan na
peliger.
Polis ke asentuá ku ‘roadblock’ ta di durashon hopi kòrtiku, pasobra nos ta konsiente ku si e
dura muchu largu e ta pèrdè su efektividat. Ademas, aparte di ‘roadblock’ ta hasiendo uso
di diferente strategianan i métodonan di kontrol.
Un bia mas, e úniko meta ku Kuerpo Polisial tin, ta di yuda garantisá i mantené òrdu
públiko, pa evitá mas sufrimentu, mas doló i mas lamento.
Finalisando, nos ke hasi un yamada na tur siudadano pa laga nos tur huntu demostrá nos
deber síviko i asumí e responsabilidat ku nos kada unu tin ku nos komunidat i nos pais

This site uses Akismet to reduce spam. Learn how your comment data is processed.

error: Content is protected !!
%d bloggers like this: