LARGO SUN TA DESKARGÁ PRODUKTO PA ALMASENAHE NA BULLENBAAI
LARGO SUN TA DESKARGÁ PRODUKTO PA ALMASENAHE NA BULLENBAAI
Willemstad, 15 di Aprel 2021- Refineria di Kòrsou (RdK) riba dia 15 di Desèmber último, a firma un kontrato pa almasenahe di produktonan petrolero ku e kompania Mercuria Energy Trading SA. E kontrato pa almasenahe aki ta parti di RdK su esfuersonan pa usa Kòrsou su infrastruktura petrolero pa generá entrada.
Djarason 14 di Aprel 2021 e promé barku ku kargamentu ‘Largo Sun’ a yega Bullenbaai, p’asina almasená produktonan ku ta pèrtenesé na Mercuria Energy Trading SA. Den oranan di mardugá, personal di Curaçao Refinery Utilities (CRU) a kuminsá deskargá e barku.
E tankero Largo Sun ta karga produkto petrolero/kímiko i ta nabegá bou di bandera di Liberia.
Su kapasidat di karga ta 49.990 DWT. E tanker tin un largura di 183 meter i ta 32.2 meter hanchu.