Ta kousando konfrontashon entre polis i pueblo. No kai den e trampa aki! Polis, militar ni niun ambtenar no tin outorisashon pa kontrolá niun telefòn.

Ta kousando konfrontashon entre polis i pueblo. No kai den e trampa aki!

Polis, militar ni niun ambtenar no tin outorisashon pa kontrolá niun telefòn.

Niun hende ta riba lei. Trabou pa Korsou (TPK) a bin ta tuma nota di algún práktika kontra di lei ku komunidat a bin ta reklamá. Tin hopi reklamo ku polisnan i militar durante di kontròl ta wak den telefòn di siudadano pa wak si tin ‘groupchat’ ku ta bisa ku polis ta kontrolá. E akto aki ta kontra di lei. Ni promé, durante o después di pandemia esaki no por. Lei no ta bisa esaki. Ta pa evitá e tipo di kosnan aki líder di TPK a bringa i sòru pa plama e lei di ‘uitzonderingtoestand’ na wèrki. 

TPK ta konsehá pa prent bo dokumentu di seguro di outo.

Tin un fenómeno nobo kaminda ku seguronan a kuminsá bisa nan kliente pa mustra polis nan prueba di seguro di outo den nan telefòn. E akto aki ta sòru pa konfrontashon entre polis i siudadano. Lei di tráfiko ta bisa ku ora polis parabu pa un kontròl di tráfiko e ta “vorder” di bo rijbewijs, keuringskaart i verzekeringsbewijs. Anto ku abo tin di kumpli ku e parti di “behoorlijk ter inzage af te geven”.

Bo mester duna polis esakinan. Pa evitá ku bo no ke duna e polis bo telefòn i pa evitá ku e polis tambe ta bisa ku bo no ke dun’e p’e mir’e i duna bo un but, TPK ta pidi tur siudadano pa prent esaki i pa kore ku n’e den bo vehíkulo. No bin bisa ku e polis por wak’e den bo man, paso e polis ta di trein pa para sierto kaminda pa su seguridat i pa e tin kontròl riba e situashon. E polis no ta bai rèk kaminda abo ke pa e hasi su trabou. E kosnan aki ta pasa paso nos falta lidernan ku ta bisti nan karson den e kadena hudisial. Pueblo ku polis bai bringa numa.

Ta kua lei (ordenansa) ta permiti kita outo di plachi di dia?

TPK kier sa ta kua ordenanza ta permití polis i militar kita outo di plachi di dia hiba “Festival Center” i kier mira e dokumentunan aki. TPK ta kere ku outoridatnan mester por aktua i no ta kontra outoridat, pero e kosnan mester tuma lugá na òrdu konforme lei.  No ta regla e asuntu na drechi, pero ta laga e suidadano skohe kran i e polis mester warda. Atrobe ta kousa konfrontashon entre polis i pueblo. TPK ta keda vigilá delaster un paso, pa garantisá ku no ta trapa derechi di yunan di Kòrsou. 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: