Ku kua outoridat e militar hulandes barèt korá riba kaya ta aktua?(defensie) Kòrsou no ta lugá di “free for all”

Ku kua outoridat e militar hulandes barèt korá riba kaya ta aktua?(defensie)

Kòrsou no ta lugá di “free for all”

Trabou pa Kòrsou (TPK) a bin ta tuma nota di algún militar hulandes barèt kòrá ku ta forma parti di e “roadblock” nan ku ta ser uzá pa kontrolá e famoso “plachi di dia”. Pa TPK, nos leinan no ta permití esaki. Den e lei di ‘uitzonderingstoestanden’ di 4 desèmber 2020, artíkulo 1 ta menshoná “de daartoe aangewezen ambtenaren: opsporingsambtenaren, buitengewoon opsporingsambtenaren en de bij landsbesluit aangewezen toezichthouders”.

E militar hulandes barèt kòrá no ta kai bou di niun tipo di opsporingsambtenaar. Tin un landsbesluit di 31 mart 2021 ku ta regla “toezichthouders” durante e uitzonderingtoestand aki. Den dje ta menshoná solamente “toezichthouder” pa inspectie di ministerio di ekonomia, afdeling epidemiologia di ministerio di salubridat i ministerio di SOAW. Pa nan kumpli ku tarea di “inspectie, toezicht i handhaving & controle.

 

Pues niun kaminda ta menshoná e militar hulandes barèt kòrá ku ta kai bou di defensie. Nan no tin niun outoridat pa atendé ni kontrolá niun suidadano. Tambe TPK kier sa kuantu ta e militarnan di CURMIL ku a wòrdu nombrá “Buitengewoon opsporingsambtenaar” i te ki grado? TPK ke mira e konsehonan di nan nombramentu. No ta sin mas ta kuminsá kombertí nos país den un estado militar. Esei si ta bon pa turista mira? Pueblo a pidi pa laga militar wak nos kosta pa kos ilegal no drenta, no a pidi pa uza nos militarnan kontra di nos mes.

Si esaki te kaso, dikon no ta ser transparente ku pueblo? TPK ke wak e dokumentunan di e petishon di gobièrnu di Kòrsou na gobernadó i tambe pa kumpli ku kua tarea i bou di kua kondishon i bou di mando di ken? Dikon e dokumentunan aki no a yega parlamento di Kòrsou? Na Hulanda Tweede Kamer e vota kontra pa laga militar subi kaya den pandemia. Si nos ta den mesun reino, dikon aki na Kòrsou esei ta e kaso? Minister di hustisia por pidi militar pa ‘openbare orde’ i Prokuror general por pidi pa ‘rechtsorde’. Den kaso di plachi di dia e militar no tin outorisashon pa para siudadano i pidi’e dokumentunan di outo, ni glas skur ni telefòn pa wak aden.
 

This site uses Akismet to reduce spam. Learn how your comment data is processed.

error: Content is protected !!
%d bloggers like this: