Trabou pa Kòrsou riba rapòrt Kontraloria General 2019 Extra parlamentario TPK Sr. Refert Martina: Finansas 2019 no a bai según lei

 

Trabou pa Kòrsou riba rapòrt Kontraloria General 2019

Extra parlamentario TPK Sr. Refert Martina: Finansas 2019 no a bai según lei

Karta a bai pa minister 

Refert Martina di Trabou Pa Korsou TPK, a manda un karta di pregunta pa minister  di finansas via di su líder politiko, Rennox Calmes. Den e karta aki Señor Refert 

Martina ta pone hopi énfasis riba preguntanan relashoná ku e rapport di 2019 di   Kontraloria General. Den e raport aki a sali na kla riba pagina 13, ku na 2019 e  kompromisonan financiero i e entrada i gastunan no a sosode konforme lei i demás  reglanan fiha den lei. 

Tambe riba pagina 14, ku e kuenta anual no ta duna un bista konfiabel di posishon financiero di país. Mas aleu riba pagina 15 ta sigui bisa ku debi na esakinan, konsekuensha ta ku parlamento of e usuario di e cuenta anual lo no haña un bista korekto di posishon financiero i    resultado di país. Debi na esaki, Kontraloria General no por aproba e kuenta anual di 2019.

For di e raport, Señor Refert Martina a konstata ku presupuesto 2019 ta un 

presupuesto ku no ta wordu bon manehá, a gasta mas di loke ku ta wòrdu presupuestá, entrada nan ta abou debi ku esaki nan no ta wordu kobra na tempu of no ta wordu kobra mes. Un administrashon ku no ta na òrdu, no tin kontrol riba e situashon    finansiero den diferente ministerio. Un presupuesto ku suma nan presupuestà pa 

realisá plan nan ku no a inisiá te pa wòrdu finalisá.

Señor Refert Martina ta trese algun ehèmpel di esaki nan, manera suma nan ku ta 

wòrdu transferí ku no tin un akuerdo, contrato/dokumento sostenibel. Supsidio nan ku ta wòrdu otorgá sin e desishonnan di supsidio nesesario. Ilegalidat den 

pagamentu di salario nan na minister nan. Iregularidat na entrada nan di impuesto, pa 

motibu ku e kontrol interno relashona ku e entrada aki ta defisiente. Kobransa di debe   Aqualectra 31.6 mion, Ontwikkelingsbank van de Nederlandse Antillen (OBNA) 15.8   mion, ki tempu esaki nan ta wòrdu kobra.

Den karta na minister di finansas a hasi algun pregunta, entre otro, tin audit nan interno ku a wòrdu hasi na diferente ministerio, unda e rapport nan aki ta? 

Minister di finansa ta na altura di resultado nan di e audit nan? Kiko ta bai hasi ku e rekomendashonnan di e rapportnan aki i e rekomendashonnan den e rapport di 2019 di kontraloria general? Pa loke ta trata e ministerio ku a surpasa e suma nan 

ku a wordu presupuesta, tin un dokumento ku ta informa dikon e suma presupuesta a 

wordu surpasa? Por ehempel akseso di presupuesto di SOAW na balor di 12.5 mion i 

GMN na balor 70.9 mion. E motibu ku e suma nan aki mester a wordu uza i na unda   esaki nan a wordu uza? Esaki nan tabata nesesario ? A raporta esaki nan na 

parlamento? 

Señor Refert Martina ta enfatisá ku ta pesei Trabou pa Korsou TPK ta proponé un 

kamber di presupuesto independiente pa asesorá gobièrnu i parlamento di Kòrsou. 

Awor pueblo por komprondé dikon ta sali bisa no tin sèn. Paso e ta wòrdu mal 

manehá.

 

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: