1 sospechoso morto i 6 detené despues di atrako riba transporte di karga

Djarason atardi, alrededor di 14.15 a tuma lugá un atrako riba un transporte di karga na Amsterdam Noord. Despues di e atrako e sospechosonan a hui den varios vehikulo i agentenan polisial a persiguí nan. Durante e perseguishon ambos partido a lòs varios tiru dirigí.

E perseguishon a terminá na Broek in Waterland kaminda un kantidat di sospechoso a purba hui na pia.

Aktualmente tin 6 sospechoso detené. 2 di nan a resultá heridá i un di 7 sospechoso a pèrdè su bida.