KONMEMORASHON 100 AÑA FUTBÒL ORGANISÁ NA KÒRSOU!
KONMEMORASHON 100 AÑA FUTBÒL ORGANISÁ NA KÒRSOU!
Ayera, 23 di mei 2021, Federashon Futbòl Kòrsou a konmemorá 100 aña di futbòl organisá aki na Kòrsou. Un logro grandi ku a keda selebrá ku un bunita misa na Basilica di Santa Ana kaminda diferente figura grandi den nos komunidat, direktiva di FFK, nos baluartenan i mas ku klaro e miembronan di nos famia di futbòl a asistí. Durante misa presidente di FFK
Sr. Shaheen Elhage i Minister di deporte Sr. Steven Croes a hiba algun bunita palabra i despues di misa tur hende por pasa tuma un salú pa selebrá e logro grandi aki. Lamentabelmente debí na Covid-19 no por a selebrá en grande manera FFK lo a deseá pero apersar di esei a konmemorá e 100 aña di futbòl organisá. Tambe FFK a lansa su ‘website’ nobo; www.ffk.cw ku lo brinda tur informashon tokante FFK i futbòl en general.
E lansamentu tabata virtual kaminda Gobernador, Sra. Lucille George-Wout a duna inisio na e konteo di e demostrashon di FFK su website nobo. Tur ku tabata presente por mira bèk riba un atardi bunita kaminda un i tur a pasa un ratu plasentero selebrando 100 aña di futbòl organisá na Kòrsou.
24 mei 2021