PREPARASHONNAN TA KONTINUÁ PA NOS SELEKSHON NASHONAL ENFRENTÁ PANAMA DJAMARS 15 DI YÜNI 7’OR DEN SDK!

PREPARASHONNAN TA KONTINUÁ PA NOS SELEKSHON NASHONAL ENFRENTÁ PANAMA DJAMARS 15 DI YÜNI 7’OR DEN SDK!

 

Nos selekshon nashonal ta na Kòrsou pa kontinuá ku preparashonnan pa nos próksimo partido kontra Panama dia 15 di yüni próksimo den Stadion Ergilio Hato pa 7’or di anochi. 

Lamentabelmente nos a pèrdè nos promé partido kontra Panama ku skor di 2-1 di kual Rangelo Janga tabata e outor di nos úniko gol. Awe den oranan di mardugá nos selekshon a yega Kòrsou pa nos segundo enkuentro kontra Panama. Despues di a sosegá, nos selekshon a pasa na santana di Santa Maria pa hasi un bishita na e graf di defuntu Jarzinho Pieter ku tabata forma parti di nos selekshon. Mas atardi a kontinuá ku un seshon training den Stadion Ergilio Hato komo preparashon pa nos partido di djamars.

 

Karchinan ta optenibel riba djaluna 14 di yüni na e siguiente puntonan di benta;

 

  • FFK di 12’or di mèrdia pa 7’or di anochi
  • Food court di Sambil di 12’or di mèrdia pa 7’or di anochi
  • Pòmp di gasolin Santa Maria 
  • 4th of July snèk na Barber

 

Sekshon VIP ta kosta fl.175,- (optenibel na FFK i Sambil) miéntras e sekshon general ta kosta fl.40,-. Hasi lihé buska di bo pasó riba djamars dia di wega karchinan ta optenibel solamente na FFK te 2’or di atardi i lo no bende karchi na porta!

 

Pa asistí na wega e bishitante mester ta kompletamente bakuná (2 bes) i e di 2 bakuna mester ta hasí promé ku promé di yüni 2021. Pa e bishitante ku no ta bakuná, ta pidi pa trese resultado di e tèst di antigen no mas bieu ku 24 ora promé ku e wega. Muchanan bou di 16 aña no mester hasi tèst di antigen. E bishitante mester presentá na wega ku su sédula i su karchi di bakunashon òf resultado di e tèst di antigen. 

No lubidá di yena e parti di karchi pa registrashon i tapaboka ta obligatorio!

 

E partido di djamars lo bai ta unu desisivo, nos selekshon mester di e apoyo i sosten di hinter pueblo di Kòrsou pa huntu den union nos logra e viktoria!

 

Buska bo karchi trempan, pa bo no keda afó!

This site uses Akismet to reduce spam. Learn how your comment data is processed.

error: Content is protected !!
%d bloggers like this: