Polis ku atenshon pa kiebro den kas na banda ‘riba.

KOMUNIKADO DI PRENSA 236 / 2021
26 di yüni 2021
Polis ku atenshon pa kiebro den kas na banda ‘riba.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Despues ku pa algun luna debí na proyektonan di prevenshon kiebronan den kas a konosé
un redukshon den área di banda’riba, prinsipalmente den área di Montaña, Cas Grandi,
Fuik, Sta. Rosa i barionan alrededor, último tempu a bolbe nota un kresementu signifikante.
Polis konsiente di su responsabilidat pa huntu ku komunidat baha e tendensia negativo aki,
ta trahando riba un plan pa den próksimo luna kuminsá atendé ku e situashon aki.
Warda di Montaña lo wòrdu reforsá ku un tim investigativo ku ta bai traha riba e diferente
denunsianan di prinsipalmente kiebronan den bibienda, pero tambe lo bai analisá e
kiebronan i inventarisá e areanan di rísiko, pa pone mas atenshon i visibilidat den e areanan
aki.
Indudablemente esaki lo trese kuné ku e malechornan lo move pa otro áreanan pa sigui
kometé nan aktonan.
P’esei banda di e aspekto represivo, polis lo sigui sinta ku representantenan di barionan, pa
asina ei tambe den forma preventivo ataká e fenómeno aki di tur banda.
E idea mester bira ku polis huntu ku siudadanonan i tur otro partnernan relevante, tantu
huntu pero tambe kada unu den e proseso ku e ta responsabel p’e, hasi kiebro den kas kada
dia ménos atraktivo.
Di e manera ei huntu nos tur ta aportá na krea barionan mas seif kaminda e abitante ta
sinti’é muchu mas sigur den su kas, pero tambe na momentu ku e mester bandoná su kas