Kantidat di tayer na kandela na Landfill Mal Pais.
KOMUNIKADO DI PRENSA 241 / 2021
3 yüli 2021
Kantidat di tayer na kandela na Landfill Mal Pais.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Awe den oranan di atardi, un kandela a kuminsá riba e tereno di Landfill na Mal Pais.
Un kantidat di tayer riba e tereno aki, pa motibunan ainda deskonosí a pega na kandela,
okashonando bastante molèster di huma pa prinsipalmente barionan pabou di e Landfill.
A pidi asistensia di brantwer pa asina por a kuminsá ku e trabounan di pagamentu di e
kandela.
En bista di e kantidat di tayer i magnitut di e kandela, mester a hasi uso di algun loader
tambe, pa asina por a basha tera riba e tayernan.
Pa próksimo oranan, sigur te ku mañan, abitantenan den areanan di Grote Berg, Daniel,
Martha Koosje, Tera Cora i besindario, lo sigui sinti molèster di huma, ku e kandela aki ta
produsí.
Ta konsehá pa bibiendanan unda tin personanan ku tin problema respiratorio, personanan
di edat, muchanan chikí (beibi) i/o enfermedatnan di kua e huma aki ta empeorá e
situashon, pa tene kas será òf si por, buska alohamentu serka famia o konosí ku no ta den e
área ei.
Personal di brantwer i di Landfill ta hasi tur nan posibel pa tene e molèster limitá, pero no
por evitá e desaroyo di huma pa próksimo oranan. Imagen di
UO Brandweer & Rampenbestrijding Curacao
