Partido Inovashon Nashonal (PIN) ta yama pueblo di Kòrsou pabien ku e promé viktoria grandi kontra e intento pa rekolonisá nos pais.

 

Partido Inovashon Nashonal (PIN) ta yama pueblo di Kòrsou pabien ku e promé viktoria grandi kontra e intento pa rekolonisá nos pais.

Despues di un lucha tenas kontra e Areglo di Disputa (Geschillenregeling), porfin awe Konseho di Minister di Reino a hala e proposishon pa e lei di Reino aki aden. 

E proposishon di lei di Areglo di Disputa, trahá pa e sekretario di estado Knops, tabata pone e outonomia di nos pais un banda. Na momentu di un disputa húridiko riba kontenido di Statüt, e lei mas haltu den Reino (despues di un konseho di Raad van State di Hulanda) ta Konseho di Minister di Reino mes tabata keda outorisá pa disidí riba derechinan outonomó di Kòrsou. 

Den otro palabra, en realidat ta Reino (lesa: Hulanda) lo a haña e outoridat pa disidí riba asuntunan di gobernashon di nos pais. P’esei algun dia pasá, lider polítiko di PIN, a splika bon kla ku e areglo aki ta e hacha na rais di Statüt i prinsipio di e fin di Reino Ulandes.  

 

Awor ta urgente pa uni forsa pa atendé ku e lei di COHO, di tal forma ku nos no ta pèrmití k’un organo di gobernashon Ulandes ku ta konsistí di 3 pèrsona nombrá pa Hulanda ta bin goberná i hasi i deshasí den nos pais.