INSTALASHON DIREKTIVA 2021-2022 DI BADEN POWELL TOASTMASTERS CLUB

INSTALASHON DIREKTIVA 2021-2022 DI BADEN POWELL TOASTMASTERS CLUB

 

 

WILLEMSTAD – Baden-Powell Toastmasters Club a instalá su direktiva nobo pa aña 2021 -2022, den un esfera natural i ameno djasabra último na Niffo Huts na Boka Samí. 

Den un seremonia dirigí pa TM Claudette La Reine – Martina, miembronan nobo di e direktiva a keda instalá pa TM Meredith Petrona – Martina.

E direktiva di Baden Powell Toastmasters club di aña 2021-2022 ta konsistí di:

 

  • President – TM Zoraida Pisas – Adelaida
  • Vice President  Education – TM Laurella Martis
  • Vice President  Membership – TM Miloushka Rosario
  • Vice President  Public Relations – TM Regis Mercera
  • Secretary – TM Ludson Valks
  • Treasurer -TM Arjan Yntema
  • Sergeant at Arms – TM Omara Martina
  • Immediate Past President – TM Farrahnedy Nicastia

 

E tema ku e direktiva nobo a skohe pa e aña 2021-2022  di Baden Powell Toastmasters Club ta: “Progress and Unity are our Priorities”.

 

Toastmasters ta un organisashon “no lukrativo” ku ta trein su miembronan pa por dirigí palabra den públiko, siña liderato i hopi otro abilidat ku ta hopi útil pa un miembro den su trabou i organisashonnan ku e ta den.

 

Den aña 2020-2021, direktiva i miembronan a traha hopi duru pa a logra pa di dos aña tras di otro e distishon mas haltu ku un klup di Toastmasters International por optené ku ta “President Distinguished Club”, ku ta un rekonosimentu otorgá na un klup di Toastmasters ora e kumpli ku 9 di 10 metanan preskribí pa Toastmaster International. Baden Powell Toastmasters Club ta kla pa kuminsá ku su reunionnan edukashonal dia 17 di ougùstùs 2021. 

 

Si bo ta interesá di ekipá bo mes ku abilidatnan di por papia den públiko, liderato i komunikashon en general bo por tuma kontakto ku nos Vise Presidente di Miembresia – Sra. Miloushka Rosario na telefon – 529-3011 òf email na toastmasterclubbadenpowell@gmail.com

This site uses Akismet to reduce spam. Learn how your comment data is processed.

error: Content is protected !!
%d bloggers like this: