Banco di Caribe ta amplia su ret di ATM ku 4 lokalidat nobo 

 

Banco di Caribe ta amplia su ret di ATM ku 4 lokalidat nobo 

 

WILLEMSTAD:  Banda di  remplasá  ATMnan eksistente pa esnan mas nobo i moderno, Banco di Caribe ta amplia su ret di ATM ku 4 lokalidat. E lokalidatnan nobo tambe ta ekipá ku e ATM moderno ku tin tantu e sistema di ‘touch screen’ komo e opshon di boton pa por ehekutá un transakshon primiendo e opshon riba pantaya òf e boton ku dede. Ta rekordá tur usuario pa porfabor no usa ophetonan skèrpi òf ku punta pa primi riba e pantaya òf botonnan, esaki por hasi daño na e  mashin.  

 

E 4 lokalidatnan nobo di ATM di Banco di Caribe ta ubiká na Jan Thiel, den edifisio di Diamond Casino, Semikok na altura di Prince Shop riba Cas Coraweg, Zuikertuin Mall na entrada zùit di e edifisio i na Tesoro Plaza, riba F.D.  Rooseveltweg. Por akudí na un ATM di Banco di Caribe pa lanta sèn, pidi saldo di kuenta i si ta un kliente di Banco di Caribe, lo por transferí sèn di un kuenta pa otro i kambia PIN di bo tarheta di débito Mastercard periódikamente. E rekomendashon ta semper, pa klientenan di Banco di Caribe usa e ATM di Banco di Caribe mes; esaki pa mas seguridat. 

 

Ta kòrda tur kliente ku por konsultá e wèpsait http://www.bancodicaribe.com pa un lista di tur ATM òf por hasi uso di e ‘ATM locator’ den e ‘BdC Mobile Banking’ app.  Di e manera aki por yega na e ATM di mas serka i fásilmente hasi un transferensia. 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: