Pa Partido PIN Minister di Finansas ta rei di kalumia! 

 

Pa Partido PIN Minister di Finansas ta rei di kalumia! 

Nos a tuma nota di Minister di Finansas su post riba su página di Facebook i un kangamentu di saya ku nòmber di nos líder, Suzy Römer. 

Minister Silvania ta prueba un biaha mas ku e no ta duna balor na lei. Bou di lei di Desaster i tambe lei di Emergensia, Minister President ta na mando riba tur kos den e pandemia aki. Ademas e komunikado di su propio ministerio ta demostrá ku Suzy Römer, no tabata minister dia a disidí pa prolongá e kontrakto ku SEHOS. E komunikado di Ministerio di Finansas ta papia di e “voormalige minister” di GMN (ku ta Sra. Zita Jesus-Leito). Te hasta e potret di Sra. Jesus-Leito a kompañá e komunikado. No ta rèp ku niun palabra di Suzy. Suzy ta aparasé den e FB post personal dje minister. Kemen esei só kaba ta mustra ku e minister ta inkorekto den su ponensia riba Facebook. Suzy Römer a baha na yuli 2020, minister Silvania a lubida?

Preparashon di hospital den pandemia

Ta bon pa rekòrda ku a prepará hospital Sehos pa si akaso a bin un eksploshon di kasonan di pashènt di Covid 19, manera tabata e kaso na Sint Maarten, Italia, Hulanda- Brabant, Merka, China etc. Kasi tur hospital mundialmente a yena!  Den e enkuentronan di e kuater paisnan di Reino a palabrá ku ta prepará Sehos. Hulanda a manda hospital di tent pa Sint Maarten, hospital di kontainer pa Boneiru i tambe pa Statia,  aparatonan di respirashon pakète di remedi ets pa tur hospital.  Tabatin un servisio di kuido for di Kòrsou pa atendé kasonan di úrgensia pa tur país i isla di Reino den Karibe. 

Minister Silvania ta buska atenshon i ta mal informá pueblo via di Facebook.     

Tempu Covid-19 a start, no tabata sa kiko e ta bai bira i a tuma medidanan i a prepará pa  kalamidat. Bou di Suzy morto no tabata kai manera awor aki bou di mando di Gabinete Pisas. Ta benta kos riba Social Media pa kita atenshon for di falta di kòntròl di e gabinete aktual.  

Minister Silvania no hunga ku salú di pueblo, Covid ta serio i no ta spetakel.

Pa klousurá, bou di leinan di Desaster i di Emergensia, SG di GMN ta kai bou di Minister President den tur loke ta trata  Covid-19. Ela sera e kontrato pa e aña aki te ku mei 2021 riba konseho di Inspecteur di Salubridat, pa tin lugá pa pone pashènt si e bira nesesario. Pues Minister Silvania por fabor sea konsiente ku bo ta hungando ku salubridat di pueblo. Covid ta serio i no spetakel.

Stòp di skondé bo inkapasidat dor di lastra hende i buska guera. Don’t think that by dimming someone else’s light yours will shine brighter!

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: