Lokalidat di Korte Komun di Hustisia i kompleho di sèl na Barber dekretá komo zonanan prohibí pa transporte aereo i drone.

 

KOMUNIKADO DI PRENSA 312 / 2021
1 sèptèmber 2021
Lokalidat di Korte Komun di Hustisia i kompleho di sèl na Barber dekretá komo
zonanan prohibí pa transporte aereo i drone.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Relashoná ku un kaso penal ku ta bai keda tratá dor di Korte Komun di Hustisia di Aruba,
Kòrsou, St. Maarten, Boneiru, St. Eustatius i Saba riba dianan 8, 9 i 10 di sèptèmber
próksimo, a dekretá pa medio di dekreto ministerial di 27 di ougùstùs 2021, dos sitio aki na
Kòrsou komo áreanan prohibí pa transporte aereo i drone.
Esaki ta den kuadro di seguridat i òrdu públiko.
E prohibishon aki ta konta pa e edifisio di Korte Komun di Hustisia situá na Boulevard
Dominico F. Don Martina 18 i tambe pa e kompleho di sèl na warda di polis na Barber.
For di djamars 7 di sèptèmber 2021 pa 00.00’or te i ku djasabra 11 di sèptèmber 2021 pa
23.59’or no ta permití transporte aereo of drone bula riba e áreanan ariba menshoná.
E área di e prohibishon ta enserá un rayo di 2000 meter for di e edifísio di Korte Komun di
Hustisia i for di e kompleho di sèl ariba menshoná.
E mesun prohibishon aki ta konta pa un haltura denter di 10.000 pia di ámbos lokalidat.
Ta supliká un i tur pa tene bon kuenta ku e medida aki, den kuadro di seguridat.

 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: