PROMÉ MINISTER/MINISTER DI HUSTISIA TABATA PRESENTA NA FIRMAMENTU DI PROTOKOL PA INTELLIGENCE CENTER CURACAO (I.C.C)

PROMÉ MINISTER/MINISTER DI HUSTISIA TABATA PRESENTA NA FIRMAMENTU DI PROTOKOL PA INTELLIGENCE CENTER CURACAO (I.C.C)

 

Willemstad – Promé Minister/Minister di Hustisia Gilmar Pisas tabata presente na e firmamentu di e protokòl pa Intelligence Center Curacao (I.C.C.) ayera 2 di sèptèmber 2021.

 

E protokòl ta rigi interkambio di informashon i koperashon di trabou mas intensivo, riba e área di kòntròl, mantenshon di òrdu i investigashon pa loke ta trata aktividatnan kriminal tantu lokal, pero tambe esnan ku ta krusa frontera.

 

Ku realisashon di e protokòl aki, hustisia ta yega mas serka di aktonan kriminal i te asta por kana dilanti, antisipando i atendiendo ku aktividatnan kriminal delantá. Tur esaki debí ku ta kompartí informashon, eksperensia i konosementu ku otro.

 

E instansianan ku ta enbolbí ta: Kuerpo Polisisal (KPC), Ministerio Públiko (OM), Duana, Wardakosta, Kmar, R.S.T., Servisio di Seguridat di Kòrsou i Interpòl Kòrsou.

 

E akto importante aki a tuma lugá den e sala di reunion di Polis na Winston Churchillweg.