TORNEO ABCS LO TUMA LUGÁ AKI NA KÒRSOU DIANAN 1, 2 I 3 DI ÒKTOBER 2021!

 

 

 

TORNEO ABCS LO TUMA LUGÁ AKI NA KÒRSOU DIANAN 1, 2 I 3 DI ÒKTOBER 2021!

 

 

Despues di basta aña, FFK lo organisá torneo ABCS 2021. Meta di e torneo aki ta pa e timnan di Aruba, Boneiru, Kòrsou i Sürnam kompetí ku otro pa midi e nivel deportivo i alabes fortifiká e amistat i fraternidat entre e pais i islanan. 

Torneo ABCS e aña aki ta konta ku partisipashon di Aruba, Boneiru, Kòrsou i tambe nos selekshon maskulino kategoria U-20. Esaki despues ku Sürnam lamentablemente no por a partisipá mas na e torneo, miéntras ku intentonan ku a hasi pa St. Maarten remplasá nan, no por a keda kristalisá. Pa por tin e torneo mas balansá FFK a yega na e desishon pa inkluí su selekshon kategoria U-20 ku ta preparando pa un kompromiso internashonal na luna di novèmber 2021.

 

For di djaweps, 30 di sèptèmber, e ekiponan ku ta partisipá na e torneo aki lo kuminsá yega Kòrsou pa sigui ku e preparashonnan pa nan kompromisonan.

Nos selekshonnan ya tin algun dia ta preparando i ta praktiká pa saka kara di Kòrsou. 

Un grupo di 18 hungadó lokal, áktivo den Liga MCB Promé Divishon i tambe Kampionato Hubenil kategoria U-20, ta forma parti di nos 2 selekshonnan. 

 

Skema di Torneo ABCS;

 

Fecha Orario Tim di kas Bishitante Stadion
1 1 okt. 21 18:00 Boneiru     Selekshon U-20   (A) Tereno FFK
2 1 okt. 21 20:00 Kòrsou             Aruba           (B)
3 2 okt. 21 20:00 Pèrdèdó A Pèrdèdó B
4 3 okt. 21 16:00 Ganadó A Ganadó B

 

Riba e promé dia di e torneo. Tur pais lo hunga kontra otro pa siguiente dia, e ekiponan pèrdèdó hunga pa e terser i di 4 lugá. Dia 3 di òktober, riba e delaster fecha di e torneo lo tin e partido final entre e ekiponan ganadó di e promé wega p’asina saka e kampion di Torneo ABCS 2021.

 

Pues e wikènt di promé, 2 i 3 di òktober próksimo lo tin algun tremendo partido ku bishita di Aruba i Boneiru aki na Kòrsou durante Torneo ABCS 2021!

 

FFK ta pendiente pa e desaroyonan rondó di Covid-19 i e desishonnan di Gobièrnu di Kòrsou pa ku atmishon di públiko na e partidonan aki.

 

Keda pendiente pa mas informashon…

 

22 sèptèmber 2021

 

This site uses Akismet to reduce spam. Learn how your comment data is processed.

%d bloggers like this: