NOS SELEKSHON DI DAMA U-17 TA NA MERKA PA PARTISIPÁ NA  E CONCACAF WOMEN’S U-17 CHAMPIONSHIP!

NOS SELEKSHON DI DAMA U-17 TA NA MERKA PA PARTISIPÁ NA 

E CONCACAF WOMEN’S U-17 CHAMPIONSHIP!

 

Djadumingu, 17 di òktober 2021, den oranan di tra’i mèrdia nos selekshon nashonal di dama kategoria U-17 a biaha pa Bradenton, Florida pa partisipá na e CONCACAF Women’s U-17 Championship ku lo tuma lugá di 20 pa 24 di òktober 2021.

 

Nos selekshon lo kompetí kontra Barbados, Belize i St. Vincent & The Grenadines den grupo B riba dianan 20, 22 i 24 di òktober próksimo. Promé ku e buelo nos damanan a reuní na FFK pa ‘brunch’ huntu pa despues sali bai áeropuerto pa nan biahe pa Florida. Tur kos ta kla i nos selekshon ta mentalmente i físikamente bon prepará pa saka kara di nos dushi isla.

 

Nos selekshon nashonal di dama kategoria U-17 ta konsistí di un grupo di 20 hungadó ku ta dirigí pa Sra. Ana Vargas ku ta wòrdu asistí pa Sra. Gesilene Kerindongo huntu ku Reynold Mercera komo asistentenan tékniko. Sr. Luke Cattet huntu ku Sr. Clinton Leocadia ta e fisioterapistanan di e selekshon miéntras Sra. Olga Pita Da Silva ta e masahista i dòkter Fillet tambe a kompañá e selekshon. E hefe di delegashon ta Sra. Hassnah Elhage ku ta remplasá Sra. Fabi Constansia ku no por tei pa motibunan di salú.

 

Nos selekshon ta konsistí di e siguiente hungadónan;

 

  1. Rushaviana Petronilia (Jong Holland)
  2. Deyanisha Dorcas (Hubentut Fortuna)
  3. Charnainelys Andrea (Vesta)
  4. Julainy Thielman (Wishi Marchena)
  5. Gervionna Martina (Jong Colombia)
  6. Ludmarie Flaneur (Xerxes DZB, Hulanda)
  7. Nyjhean-Anne Rier (Red Diamonds, Boneiru)
  8. Lygaira Pieters (Red Diamonds, Boneiru)
  9. Raëngely Keller (Excellence School)
  10. Queen-Jelly Alexandre (Vesta)
  11. Draynishaina Uranie (V.V. Spijkenisse, Hulanda)
  12. Gionella Calvenhoven (Vesta)
  13. Daylaina Seip (De Zwervers, Hulanda)
  14. Soerianieh Nucatia (Excellence School)
  15. Kaaisha Constansia (Excellence School)
  16. Thahima Willems (Red Diamonds, Boneiru)
  17. Kishana Mathilda (Jong Holland)
  18. Aukje Moerdijk (Inter Willemstad)
  19. Queennaily Geertruida (Jong Holland)
  20. Roshanthely Coffi (Jong Holland)

 

FFK ta deseá nos selekshon nashonal di dama kategoria U-17 tur klase di éksito durante nan partisipashon na e CONCACAF Women’s U-17 Championship ku lo tuma lugá di 20 pa 24 di òktober 2021 aya na Florida.

 

18 òktober 2021

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: