Minister di Tráfiko, Transporte i Planifikashon Urbano, señor Charles Cooper kompañá pa miembronan di su kabinèt tabata di bishita na CORE N.V. na nan Datacenter sertifiká ANSI/TIA-942B rated 3.

Durante e bishita, Minister Cooper a haña un rekorido anto señora Gerda Isenia-Rosalia, Direktora di CORE N.V. i señor Christopher Carrega, Manager Operations a duna un splikashon di e Datacenter i e servisionan ku CORE ta brinda.

CORE N.V. ta un kompania kaminda gobièrnu di Kòrsou ta e úniko akshonista. CORE N.V. ta duna na gobièrnu i sektor priva diferente servisio riba tereno di IT entre otro servisio di Cloud, maneho di kòmpiuter, guia proyektonan i duna konseho riba tereno di IT.

Minister Cooper tabata impreshoná di e manera sólido ku e Datacenter a wòrdu konstruí i tur e posibilidatnan i seguridat ku e Datacenter ta brinda pa garantisá kontinuidat di operashon di su klientenan en general i gobièrnu di Kòrsou en partikular.