NOS SELEKSHON NASHONAL DI DAMA U-17 TA KLASIFIKÁ PA E DI 2 BUÈLTA DI E CONCACAF WOMEN’S U-17 CHAMPIONSHIP!
NOS SELEKSHON NASHONAL DI DAMA U-17 TA KLASIFIKÁ PA E DI 2 BUÈLTA DI E CONCACAF WOMEN’S U-17 CHAMPIONSHIP!
Nos selekshon nashonal di dama kategoria U-17 ta logra su di 2 viktoria i ta klasifiká pa e di 2 buèlta di e CONCACAF Women’s U-17 Championship. Esaki despues di a gana Belize ku skor di 3-1 djaráson último i gana Barbados ku skor di 2 pa 0 awe mainta.
Daylaina Seip tabata esun ku a habri e markador pa Kòrsou i despues Raëngelly Keller a anotá e di 2 gol p’asina nos sali viktorioso i gana Barbados ku skor di 2 pa 0. Ku e resultado aki nos ta klasifiká komo number un den nos grupo despues di a logra 2 viktoria i optené 6 punto. Tur ekipo a kompetí kontra otro den nan grupo p’asina e number un di kada grupo klasifiká pa e siguente buèlta di e CONCACAF Women’s U-17 Championship ku lo tuma lugá den e promé kuartal di otro aña.
Nos selekshon nashonal di dama kategoria U-17 ta konsistí di un grupo di 20 hungadó.
E selekshon a wòrdu dirigí pa Sra. Ana Vargas ku a wòrdu asistí pa Sra. Gesilene Kerindongo huntu ku Reynold Mercera komo asistentenan tékniko.
Sr. Clinton Leocadia tabata e fisioterapista di e selekshon miéntras Sra. Olga Pita Da Silva tabata e masahista i dòkter Fillet tambe a kompañá e selekshon.
E hefe di delegashon tabata Sra. Hassnah Elhage ku a remplasá Sra. Fabi Constansia ku no por ta tei pa motibunan di salú.
Nos selekshon tabata konsistí di e siguiente hungadónan;
- Rushaviana Petronilia (Jong Holland)
- Deyanisha Dorcas (Hubentut Fortuna)
- Charnainelys Andrea (Vesta)
- Julainy Thielman (Wishi Marchena)
- Gervionna Martina (Jong Colombia)
- Ludmarie Flaneur (Xerxes DZB, Hulanda)
- Nyjhean-Anne Rier (Red Diamonds, Boneiru)
- Lygaira Pieters (Red Diamonds, Boneiru)
- Raëngely Keller (Excellence School)
- Queen-Jelly Alexandre (Vesta)
- Draynishaina Uranie (V.V. Spijkenisse, Hulanda)
- Gionella Calvenhoven (Vesta)
- Daylaina Seip (CVV Zwervers, Hulanda)
- Soerianieh Nucatia (Excellence School)
- Kaaisha Constansia (Excellence School)
- Thahima Willems (Red Diamonds, Boneiru)
- Kishana Mathilda (Jong Holland)
- Aukje Moerdijk (Inter Willemstad)
- Queennaily Geertruida (Jong Holland)
- Roshanthely Coffi (Jong Holland)
FFK ta felisitá nos selekshon nashonal di dama kategoria U-17 pa e tremendo trabou ku nan a sa di hasi durante e torneo aki. Pabien na nos muchanan i e kuerpo tékniko!
Preparashonnan lo kontinuá pa nos selekshon nashonal di dama kategoria U-17 su partisipashon na e di 2 buèlta di e CONCACAF Women’s U-17 Championship ku lo tuma lugá na 2022.
24 òktober 2021



