KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

PROMÉ MINISTER GILMAR PISAS DI BISHITA NA  DREAMS, SUNSCAPE I ZOETRY.

PROMÉ MINISTER GILMAR PISAS DI BISHITA NA

 DREAMS, SUNSCAPE I ZOETRY.

 

Willemstad – Promé Minister Gilmar Pisas a risibí informashon riba e plannan di e kadena hotelero di Dreams, Sunscape i Zoetry (èks-Floris Suite Hotel) dia 5 di novèmber 2021.

E tres hotèlnan a keda representá pa sr. Diego Garrido (General Manager) i sra. Belkis de Boer (HR Manager).

 

Tur tres hotèl ta di e mesun doño.

E tres hotèlnan aki lo ta “all inclusive”i lo bai tin benefisio pa e turistanan i tambe nos hendenan lokal. Lo bai fihá riba e merkado for di Europa i Merka.

E hotèlnan lo bai tene bon kuenta ku e aspektonan higiéniko, medidanan enkonekshon ku e pandemia i tambe e parti di seguridat.

 

Na e hotèlnan Sunscape i Dreams tin diferente desaroyo ta andando i na esun di Zoetry tin kasi henter un restourashon/konstrukshon ta tumando lugá. 

Huntu e tres hotèlnan aki ta krea i tin hopi kupo di trabou pa nos mes hendenan.

A informá Promé Minister ku e hotèlnan ta hasta perkurá pa transporte pa nan trahadonan.

 

Durante di e rekurido na e tres hotèlnan por a haña un bista kla pa ku tur loke ta tumando lugá na kada un di di nan i tambe tur loke kada un por brinda sea e turistanan òf nos mes hendenan lokal.

 

 

Leave a Reply

This site uses Akismet to reduce spam. Learn how your comment data is processed.