PROMÉ MINISTER GILMAR PISAS A PRESENSIÁ E  KONFERENSIA DI LWI (LEADING WITH INTEGRITY).

PROMÉ MINISTER GILMAR PISAS A PRESENSIÁ E 

KONFERENSIA DI LWI (LEADING WITH INTEGRITY).

 

Willemstad – Promé Minister Gilmar Pisas a presensiá e konferensia di Leading With Integrity (LWI) dia 5 di novèmber 2021 na Marriott Hotel.

 

E fundashon di LWI a keda lantá na aña 2014.

Su propósito ta pa forma lidernan den e área di integridat for di den e sektor privá i tambe esun públiko.

Un di e aktividatnan importante di e fundashon ta nan konferensia anual. E aña aki a tuma lugá e di 5 konferensia anual dia 5 di novèmber 2021 na Marriott Hotel, kaminda a duna enseñansa i a interkambiá riba e tema di integridat.

E tópiko di e aña aki tabata: Morality: the Law without Loopholes.

Pa mas informashon por bishitá: www.lwi-foundation.org/2021

 

Tabatin diferente dignitario presente na e konferensia aki, entre nan sra. Gobernadó, diferente Minister i Parlamentario.

Entre e oradonan tabatin tambe e Presidente di Parlamento sra. Charetti America-Francisca ku a presentá un diskurso sumamente impreshonante.

 

E konferensia tabata unu hopi fruktífero yená ku informashonnan hopi balioso rondo di e tema di integridat.