Aksidente di trafiko ku morto.

 

KOMUNIKADO DI PRENSA 394 /2021
28 novèmber 2021
Aksidente di trafiko ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 27 di novèmber 2021 alrededor di 23.18’or, Sentral di Polis a risibí diferente
yamada di habitantenan den área di Roi Soto ku nan a tende un zonido fuerte.
Mesora a dirigí un unidat di Barber den e área i na su yegada a bin topa ku un vehíkulo
parsialmente di bòltu den e labadó.
For di investigashon preliminar ku polisnan di tráfiko a realisá na e sitio, a sali na kla ku
shofùr di un outo di famia tabata kore riba Kaminda Serapio A. Pinedo den direkshon wèst.
Pa motibunan te ainda deskonosí, e shofùr aki a pèrde kontrol riba su stür, zwai ku e
vehíkulo i bai dal ku e parti patras kontra di un palu di manzaliña na e otro banda di
kaminda.
Despues e vehíkulo a bira parsialmente di banda.
Debí na e impakto fuerte, e shofùr aki ku no tabatin su faha di seguridat bistí, a wordu saká
for di su outo i a bai resultá riba suela.
El’a fayesé na e sitio mes debí na multiple leshon ku el a sufri.
Alrededor di 00.29’or dòkter di polis a konstatá morto di e hòmber Naichel Gregory Sambo,
di 63 aña di edat nase na Kòrsou.
Polis ta tumando nota ku e último aksidentenan fatal ku ta tumando lugá, e shofùr di outo
no tabatin su faha di seguridat òf e motosiklista no tabatin su hèlmu bistí.
Un yamada un bia mas di konsientisashon pa bisti bo faha of bo hèlmu, ya ku esaki ta limitá
leshonnan na momentu di un aksidente.

 

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: