GOBIÈRNU DI KÒRSOU A TENE E DI 7 REUNION KU E SENTRALNAN DI SINDIKATO I VBC.

GOBIÈRNU DI KÒRSOU A TENE E DI 7 REUNION KU E SENTRALNAN DI SINDIKATO I VBC.

 

Willemstad – Promé Minister Gilmar Pisas, Minister di Desaroyo Sosial, Labor i Bienestar Ruthmilda Larmonie-Cecilia i Minister di Desaroyo Ekonómiko Ruisandro Cijntje, na nòmber di Gobièrnu di Kòrsou, a reuní ku e tres sentralnan di sindikato i VBC dia 1 di febrüari 2022 na Fòrti.

 

Esaki tabata e di 7 reunion ku ta tene ku e tres Sentralnan di Sindikato i Vereniging Bedrijfsleven Curaҫao (VBC).

E tres sentralnan di sindikato ta: Central General di Trahadornan di Corsow (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).

 

Durante di e reunion aki a logra trata tur e puntonan ku tabata programá riba e agènda. E puntonan aki tabata: 

  • Desaroyo riba situashon di Pais en general: e.o. e status di COVID i CMC;
  • Economic Recovery Plan;
  • Formashon Laboral.

 

Pa ku e status di COVID tabata sr. Lesley Fer, di e Krisis Tim, huntu ku Promé Minister, ku a duna un splikashon ekstenso na tur esnan ku tabata presente riba e situashon aktual. Tabatin diferente pregunta i sugerenisa ku a bini dilanti i di parti di Gobièrnu tabata habrí pa risibí esakinan. Promé Minister a duna informashon tambe riba e situashon aktual di CMC i a splika ku tin un reunion pendiente ku CMC riba e último desaroyonan.

 

Pa ku e punto di agènda “Economic Recovery Plan” tabatin un presentashon di parti di e representante di VBC, sr. Daniel Hodge.

 

Na final di e reunion e representantenan di e Sindikato CGTC, srs. Humphrey Mongen, Wendy Calmes i Kenneth Valpoort, a entregá na Promé Minister un dokumento titulá: “Proposishon pa kombatí krimen i atrako kontra di Turísta i nos komunidat”.

 

E reunion a kana den un bon esfera kaminda tabatin espasio amplio pa kada partido por a dialogá, hasi pregunta, risibí kontesta i kompartí informashon ku otro riba e puntonan ku a bini dilanti.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: