GOBIÈRNU DI KÒRSOU A TENE REUNION KU REPRESENTANTENAN DI CENTRALE BANK CURACAO EN ST MAARTEN.

 

GOBIÈRNU DI KÒRSOU A TENE REUNION KU REPRESENTANTENAN DI CENTRALE BANK CURACAO EN ST MAARTEN.

 

Willemstad – Gobièrnu di Kòrsou, representá pa Promé Minister Gilmar Pisas, Minister di Finansa Javier Silvania, Minister di Desaroyo Sosial, Labor i Bienestar Ruthmilda Larmonie-Cecilia i Minister di Desaroyo Ekonómiko Ruisandro Cijntje, a reuní ku representantenan di Centrale Bank Curacao en Sint Maarten (CBCS) dia 1 di febrüari 2022 na Fòrti.

 

Di parti CBCS tabata presente srs. Richard Doornbosch, Theo Caris, Jose Jardim i sra. Grimm. Di parti OX & Wolf tabata presente sra. Sabine Altena.

 

Durante di e reunion a trata e situashon aktual pa ku e fail di ENNIA. 

Di parti di CBCS a duna un presentashon i a kompartí informashon riba e situashon aktual di e kompanianan ku ta pertenesé na e grupo di ENNIA. 

A elaborá tambe riba e esfuerso i pasonan ku a keda tumá te ainda di parti di CBCS, pa kuminsá ku e parti di kobransa di e claimnan ku Hues a dikta den e veredikto. 

 

A palabrá ku aki 3 siman e partidonan ta bolbe bini huntu pa sigui elaborá riba e  solushonnan pa ku e fail di ENNIA.