HnlY, AmoreusZ i Dju Dju V ta na’bo e kayente di karnaval! ICONS feat. Jeon ta lansa ‘Pakata Live Remix’

 

HnlY, AmoreusZ i Dju Dju V ta na’bo e kayente di karnaval!

ICONS feat. Jeon ta lansa ‘Pakata Live Remix’

WILLEMSTAD/  Ya den transkurso di siman por a mira riba retnan sosial un ‘sound bite’ di un kolaborashon entre ICONS i e artista arubano Jeon. Fin di siman benidero lo mester tabatin Gran Marcha manera nos a kustumbrá, sinembargo pa di dos aña konsekutivo no tin karnaval! Esaki mes ta motibu sufisiente pa selebrá ku un roadfire kayente di ICONS. Jump unda ku ta; na kas, trabou, den outo òf na skol! E ‘collab’ di ICONS i Jeon ta manera un brisa positivo kòrdando fanátikonan ku despues di tur yobida solo ta sali. Otro aña lo selebrá karnaval 2023 ta di spera ku grupo- i karnavalistanan wòrdu inspirá grandemente i laga kreatividat dòrna kayanan di Kòrsou, di manera ku 2023 por ta aña di un ‘come-back’ impaktante!

E fin di siman aki ICONS lo tin algun kompromiso karnavalesko i ta pidi fanátikonan keda pendiente di retnan sosial pa informashon i presentashon. Ta invitá fanátiko- i siguidónan pa suskribí na e kanal di ICONS i Decoded riba YouTube. Follow i Like Facebook/Instagram/SnapChat: Icons Curaçao /  Decodedofficial. ‘Pakata Live Remix’ por wòrdu skuchá na tur radio emisora lokal, i por riba iTunes/ Spotify/ Tidal/ Apple Music. ICONS ta deseá henter pueblo i tur fanátiko un fin di siman ku hopi ambiente. Laga ‘Pakata Live Remix’ zona den tur skina di Kòrsou!  

Share this page to Telegram

This site uses Akismet to reduce spam. Learn how your comment data is processed.

%d bloggers like this: