Minister Ruisandro Cijntje Den e siman aki mi a sali pa Bogotá, Colombia ku un delegashon di MEO i CTB pa partisipá na Vitrina Turistica ANATO 2022

Minister Ruisandro Cijntje

Den e siman aki mi a sali pa Bogotá, Colombia ku un delegashon di MEO i CTB pa partisipá na Vitrina Turistica ANATO 2022. ANATO ta e asosashon Colombiano di agensianan di biahe i turismo ku ta organisá su eksposishon pa fasilitá mas opshon na e operadornan i tambe destinashonnan turístiko. E edishon aki ta e di 41 Vitrina Turistica i tambe e promé edishon despues di e pandemia di COVID-19.

E evento aki ta e evento turístiko di mas importante na Colombia i ta brinda Kòrsou e oportunidat di posishoná nos mes den e merkado Colombiano awor ku tin mas aerolinea ta konektá Colombia i Kòrsou.

Aktualmente tin varios aerolinea ku ta konektá Kòrsou ku diferente parti di Colombia kual ta brinda e oportunidat pa ekspandé i hasi posibel pa mas siudadano di Kòrsou por kome di e bolo ku yama turismo.

Colombianonan ta konosí pa biaha ku agensia di biahe, i ta importante pa hòtelnan i agensianan di tour mantené e relashon komersial aki pa medio di partisipashon na e evento.

Den e afan aki mi tambe a topa otro dignatarionan ku ta kompaña nan delegashon i a tuma oportunidat di topa algun representantenan di por ehèmpel Zona Franca di Bogotá, Universal Music, i tambe agensianan di merkadeo pa asina por fortifiká nos maneho komersial, en partikular ku Colombia.

E biahe aki a mustra di ta di un balor agregá, pasobra netamente awor ku nos por mira otro kara kara atrobe tin nesesidat pa hasi esaki pa fortalesé i restablesé kontakto

Share this page to Telegram

This site uses Akismet to reduce spam. Learn how your comment data is processed.

%d bloggers like this: