EZ Air ta amplia ku mas ruta entre Kòrsou i Colombia.

EZ Air ta amplia ku mas ruta entre Kòrsou i Colombia.

Minister di Desaroyo Ekonómiko Ruisandro Cijntje ta sumamente kontentu di por anunsiá ku e aerolínea EZ Air ta bai amplia ku dos ruta di buelo mas entre Colombia i Kòrsou.

Minister Cijntje a sostené un kombersashon interesante ku CEO di EZ Air sr, René Winkel durante di su bishita di trabou na Bogotá, Colombia.

Sr. Winkel a elaborá riba e oportunidatnan ku ta eksistí entre Colombia i Kòrsou i e momentu oportuno pa nan kompania por sigui krese.

Minister Cijntje a agregá ku tin hopi interes bou di habitante nan di Colombia, Brazil, Argentina i mas paisnan den Latino Amérika pa bishita Kòrsou. Ku buelonan adishonal entre Colombia pa Kòrsou, nos por ta aun mas aksesibel pa e area aki i brinda nos yunan di tera i tambe e Kolombianonan ku ta biba na Kòrsou, e oportunidat pa por biaha den region.

Minister Cijntje a finalisá e kombersashon felisitando sr. Winkel i ta wak dilanti pa un relashon di trabou ku por sigui krese.