google.com, pub-5639114718427035, DIRECT, f08c47fec0942fa0

KIWANIS BUILDERS CLUB FILOMENA COLLEGE MAVO AWOR TA UN REALIDAD

KIWANIS BUILDERS CLUB FILOMENA COLLEGE MAVO AWOR TA UN REALIDAD

ย 

ORANJESTAD – Aruba awor tin un club di servicio nobo. Recientemente Prome Minister Evelyn Wever – Croes tabatin e honor di por tabata presente na oficialisacion di Kiwanis Builders Club Filomena College MAVO. A anuncia 55 miembro nobo y a instala e Presidente Iriengelo Jamanika, conhuntamente cu demas miembronan di e directiva nobo.

ย 

Prome Minister Wever – Croes hunto cu Minister Endy Croes y Parlamentario Alvin Molina, a mira e nacemento di e club nobo aki. E club a wordo lanta pa Kiwanis Club of San Nicolas, un club hopi activo specialmente na San Nicolas, den apenas dos aรฑa di existencia. Hasta durante di pandemia, nunca Kiwanis a stop di duna bek na comunidad cual sigur ta di admira, Prome Minister a expresa.

Ya pa 57 aรฑa, Kiwanis Club ta activo sirbiendo henter Aruba su comunidad a traves di diferente proyecto, contribuyendo na exito y crecemento di nos muchanan. Awor cu realisacion di Kiwanis Builders Club Filomena College MAVO, ta inicia un trayecto nobo, hunto cu 55 miembronan nobo. Miembronan hoben yena cu ideanan creativo y cu pasion pa haci un diferencia y duna bek na comunidad.

 

Durante e ceremonia Prome Minister Wever – Croes a comparti un mensahe cu tur esnan presente, specialmente na e miembronan nobo. โ€œIn giving you can receive much more than you can ever give awayโ€. Cu esaki Premier a splica cu e trabou como Prome Minister / Minister, ta uno hopi pisa. Ta haya poco ora di sosiego y ta rekeri casi 24 ora disponibilidad tur dia. Pa por cumpli cu eย  funcion, e ta hopi importante pa tin un bida balansa. Pa prome Minister e 4 areanan di bida cu ta importante pa ta den balans ta: su famia, trabou, practica su fe/meditacion y duna bek na comunidad. El a enfatisa cu sin e delaster punto, su bida no lo ta den balans y tampoco exitoso.

Cu e mensahe aki Premier Wever – Croes ta desea cada miembro nobo hopi exito y cu e trayecto a traves di e club, por trece e balans cu ta necesario den bida pa ta exitoso y feliz.

ย 

Por ultimo, Prome Minister Wever – Croes a desea Kiwanis Club of San Nicolas hopi pabien y tur clase di exito na e board di Kiwanis Builders Club Filomena College y tur e miebronan nobo!

 

ย 

Share this page to Telegram

This site uses Akismet to reduce spam. Learn how your comment data is processed.

%d bloggers like this: