Brantwer Kòrsou ta lansa foyeto di Prevenshon: ”Kandela na mi kas, imposibel”
Brantwer Kòrsou ta lansa foyeto di Prevenshon: ”Kandela na mi kas, imposibel”
Kòrsou, 7 mart 2022
WILLEMSTAD – Den kuadro di konsientisá komunidat di Kòrsou i e kampaña
“Prevenshon e mihó Opshon”, Kuerpo di Brantwer Kòrsou a lansá dia promé di Mart 2022
un foyeto full na koló titulá “Kandela na mi kas, Imposibel”. E foyeto aki ta kontá ku 16
página di informashon na papiamentu, kual ta konsientisá komunidat e importansia pa
prevenshon di kandela na nan propio kas.
Durante aña 2021, Kuerpo di Brantwer Kòrsou a atendé ku alrededor di 60 kas ku a kima
sea parsial òf kompletamente. Esaki ta konsientisá kada persona den komunidat ku
prevenshon di kandela na kas ta importante. E foyeto ta konsistí di informashon general,
un chèklist ku kada persona mes por chèk su propio kas i situashon relashoná ku
prevenshon peligernan ku por kondusí na kandela, kon pa kontrolá bo bòter di gas,
tepnan balioso i tambe kon pa aktuá na momentu ku surgí un kandela.
Den kuadro di e kampaña Prevenshon e mihó Opshon, e departamentu di Prevenshon lo
repartí foyeto nan durante charlanan di informashon, pero tambe tin foyeto optenibel na
kantor prinsipal di Brantwer Kòrsou situá na Roodeweg 188.
Brantwer Kòrsou ke keda konsientisá pueblo di Kòrsou pa ban sigui informá i konsientisá
nos mes riba rísikonan ku por kondusí na kandela i ban prepará nos mes debidamente pa
si un situashon di peliger presentá, nos sa kon pa aktua di e forma mas mihó, pa asina
evitá situashonnan fatal.
