DAICY- J ku piesa nobo titulá “Mi tambe ta hende” na honor di Ultrabeatz.

 

DAICY- J ku piesa nobo titulá “Mi tambe ta hende” na honor di Ultrabeatz.

 

WILLEMSTAD – E kantante Desiree Janga, mihó konosi komo DAICY- J, a lansa ‘Mi tambe ta hende’, na honor di e produktor musical Dorisello ‘Chelo’ Ignacio konosí den e mundo musikal komo Ultrabeatz. Ultrabeatz den pasado a hasi furor den farándula ku produkshonnan pa entro otro: K-liber, Edsel Juliet, Francisco Peña Y La Banda, Black Joker, Teddo Juice I JR Manuel.

Despues di luna di preparashon Ultrabeatz tabata finalisando e produkshon aki, pero e no por a finalisáa esaki pa motibu ku lamentablemente el a fayesé na sèptèmber 2021. Pero e team di músiko envolví a disidí pa kumpli ku e deseo di Chelo Ultrabeatz di saka e piesa huntu ku su videoclip pa Ultrabeatz por keda zona. Un danki na e famia di Chelo Ultrabeatz pa nan koperashon y ku nan a brinda e oportunidad pa por a lansa e piesa tòg. A skohe pa saka e piesa den e forma original.

E talentoso kantante DAICY- J, despues di ‘Mi Ke Mas’, ‘Tu Amor’ y ‘Como duele enamorarse’, e bia aki a traha huntu ku Ultrabeatz pa e produkshon aki ku a resultá den un bunita zouk. ‘Mi tambe ta hende’ ta un tremendo komposishon di TM tonchi Martis. Ultrabeatz ta e producer i mixing engineer di ‘Mi tambe ta hende’. E meta di e produkshon aki for di inisio tabata pa ultrabeatz keda zona i bin bek ku mas produkshon.

Pidi y disfrutá di ‘Mi tambe ta hende’ na tur radio popular òf kanal di televishon. Tambe e piesa por por stream “Mi tambe ta hende’ riba via e.o iTunes/ Spotify. Ademas chèk e video clip riba Daicy-J Janga su kanal di YouTube pa laga e beatz sigui zona.

 

 

 

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: