PROMÉ MINISTER GILMAR PISAS A REUNÍ KU FUNDASHON KONINKLIJKE HORECA NEDERLAND

PROMÉ MINISTER GILMAR PISAS A REUNÍ KU 

FUNDASHON KONINKLIJKE HORECA NEDERLAND

 

Willemstad – Promé Minister Gilmar Pisas, huntu ku Minister di Desaroyo Ekonómiko Ruisandro Cijntje, a reuní ku e Fundashon di Koninklijke Horeca Nederland (KHN) dia 17 mart 2022.

Di parti di KHN tabata presente e voorzitter sr. Robèr Willemsen, direktor sr. Dirk Beljaarts huntu ku sra. Xandra van Hutten i sr. Tarzeno Circkens di Curacao Restaurant Association (CRA).

 

Durante di e reunion a elaborá riba e funshon di KHN i alabes kon Kòrsou por bai benefisiá di e servisionan kue fundasho aki ta brinda.

Meta di e bishita na Kòrsou di parti KHN ta pa eksplorá kiko ta e posibel sostennan ku e fundashon por duna riba diferente áreanan ku ta resortá bou di e paraplü di Horeca.

 

Di parti di CRA ke krea un brùg entre nan i KHN pa asina nan por duna Kòrsou sosten riba diferente área den e sektor di Horeca, pa ku entre otro dunamentu di kursonan, enterkambio di personal, eksperensia i konosementu, i tambe yuda pa trese invershonistanan di e sektor di Horeca Kòrsou.

KHN ta representá 65% di e kompanianan den Horeca na Hulanda.

 

Nan intenshon ta pa traha ku instansianan ku tin un meta duradero i ta deseá tambe pa por atendé ku un instansia ku ta representá tur e sobranan.

 

E kombersashon tabata unu hopi ameno i e ministernan a keda hopi satisfecho ku tur informashon ku nan a risibí di parti KHN.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: