A revoká medida di suspenshon di pago di dividendo di instituto finansiero

 

 

A revoká medida di suspenshon di pago di dividendo di instituto finansiero

WILLEMSTAD/PHILIPSBURG – Entrante 21 di mart 2022, e institutonan finansiero por bolbe
kuminsá entregá petishon pa pago di dividendo pa aña ekonómiko 2022. En bista di e desaroyonan
resien relashoná ku e pandemia di COVID-19, i teniendo kuenta ku solides di e institutonan i ku e
perspektivanan proyektá, Centrale Bank van Curaçao en Sint Maarten (CBCS) a disidí di revoká e
medida di suspenshon di pago di dividendo.
Na aprel 2020, CBCS a anunsiá un suspenshon temporal di pago di dividendo di instituto
finansiero. Di e manera ei, CBCS a animá e institutonan finansiero aktivamente pa krea reserva
èkstra pa por wanta e impakto di e pandemia di COVID-19 riba sektor finansiero. A manda karta
pa tur instituto den e sektor, ku instrukshon pa (banda di e medidanan ku nan mes a tuma kaba)
suspendé pago di dividendo te próksimo aviso. A mira esaki komo un manera efikas pa e
institutonan akí krea espasio pa wanta impakto ya ku, si nan hasi ganashi, esei lo sirbi pa oumentá
nan reserva.
Konkretamente, a tuma e medida akí komo prekoushon, ku e meta di krea espasio èkstra pa wanta
impakto, ya ku no tabatin manera pa sa di antemano kuantu e krísis di coronavirus lo dura ni ki
impakto e lo tin riba sektor finansiero. P’esei mes, CBCS ker a adaptá te asina leu ku ta posibel na
e desaroyonan rápido i inesperá ku e pandemia lo por a trese kuné. Mirando kon e pandemia a bin
ta desaroyá resientemente, ta parse ku ekonomia ta hañando un rosea pa por rekuperá di e daño
sufrí den 2020 i 2021.
E petishonnan pa pago di dividendo pa aña ekonómiko 2022 lo ser evaluá riba un base individual.
Meskos ku promé, aprobashon di e petishonnan akí ta dependé, entre otro, di e instituto su perfil
di riesgo i tambe di su kapital, solvensia i likides despues di hasi e pago di dividendo.
Willemstad, 21 di mart 2022
CENTRALE BANK VAN CURAÇAO EN SINT MAARTEN

 

PB2022-011 CBCS revokes suspension of dividend distribution ENG

PB2022-011 CBCS revokes suspension of dividend distribution NED

PB2022-011 CBCS revokes suspension of dividend distribution PAP

Share this page to Telegram

This site uses Akismet to reduce spam. Learn how your comment data is processed.

%d bloggers like this: